Hai poucas semanas que comecei a interesarme de xeito activo por [gemini], sendo un proxecto relativamente recente só coñecía da súa existencia porque algunhas persoas estaban abrindo a súa propia cápsula 🚀 e presentando proxecto relacionados para o seu desenvolvemento (servidores, clientes, etc.).
Esta curiosidade fixo que descubrise o simple que é publicar contidos, subindo un ficheiro de texto sen prácticamente formato e descargando a responsabilidade do aspecto ao cliente que utilice a usuaria.
Amfora foi (é) o "navegador" que utilizo por defecto no meu sistema. É un navegador tipo "terminal", con navegación simple utilizando o teclado. Doado e rápido, pero...
bonito non é, hai que dicilo 😊
[Lagrange] é un dos navegadores máis utilizados, cun aspecto sobrio (como corresponde) ofrece unha aproximación á navegación a través de ligazóns e utilizando o punteiro do rato como se fai nas webs.
non está en galego!
Mirei no repositorio do código, vin que usaban a súa propia instancia de Weblate e alá contactei con eles para solicitar que habilitasen o idioma galego na tradución.
Un par de horas despois xa está todo activo e podo traducir a interface de usuaria. Son algo máis de 500 cadeas de texto, e se todo vai normal supoño que a finais de mes estará rematada.
Informarei cando se publique ✌