recibín a orde¹ de escribir esta autoentrevista, e como eu son moi mandado aquí vai.
por imitación e por encaixar no que se supoñía debía facer un tecnófilo, sentía un impulso idealista para COMPARTIR e APORTAR á COMUNIDADE. Experimentara anteriormente facendo páxinas web (html, php, css,... todo á man), pero en 2010 deixeime engaiolar pola facilidade de usar wordpress²
actualmente é un sitio web estático a partir de ficheiros de texto en formato markdown e publicados usando Pelican³, aloxado no meu propio servidor YunoHost.
Se les este artigo na cápsula gemini entón ti tamén es rara de carallo XD ( con cariño :-* ). Aquí publico o mesmo, pero dun xeito aínda máis básico e simple.
pois si, en Wordpress.com e experimentei en Plume cando a mediados da década pasada naceu o Fediverso (versión activityPub).
Comecei en wordpress porque era fácil e era open-source e todo iso. Despois intentei publicar de xeito paralelo en Plume (no fediverso) pero estaba moi verde a cousa e acabei usando «github pages» para publicar con Pelican. Dinme conta de que era mellor o KISS (keep it simple stupid!), porque ninguén me le e cun aspecto sobrio e limpo vai que chuta, non teño que seguir ningunha moda nin pregarme a usar ferramentas que promovan as publicacións nin nada. Aínda que se pode complicar todo este sistema, non preciso nin comentarios (LOL) nin estatísticas nin nada.
Para publicacións curtas ou simples abro un terminal e directamente co editor nano. Para publicacións máis longas, con máis formato, fotos, etc. escribo unha Nota de Nextcloud que vou editando en Kate (KDE)
cando estou con bo ánimo e me deixo arrastrar por ese impulso infantil do sentido de pertenencia. Entón publico sobre o que teña na man, que pode ser un libro, ter ido a unha carreira popular ou calquera nova aplicación de software libre que comecei a usar (ou traducir ao galego).
sempre xusto ao rematar, para evitar que se apodere de min o sentimento de «impostor».
hoxe en día son básicamente breves recensións dos libros que leo (para lembrar eu mesmo) e pequenos trucos ou titoriais para usar un programa ou aplicación. Escribir sobre as carreiras xa non me interesa nin a min, síntome alleo a esa comunidade.
Obxectivamente: para min. Comecei escribindo para a «comunidade», sempre en galego, con certas expectativas de recibir algún tipo de atención entre iguais (non agardaba nin buscaba ningún tipo de «éxito»), pero si formar parte dun internet libre.
Probablemente algunha das reseñas das carreiras nas que participei, con fotos dos lugares e, agora cando a veces caio nunha delas, exprésome de xeito emocional en moitas delas. Gústame ver o ben que o pasaba e como desfrutaba.
Creo tamén que agora poño un pouco máis de interese ao redactar as recensións dos libros. Non porque sexan mellores, se non porque antes eran realmente frouxas e agora leo algunha que creo están moi decentemente escritas. Poucas. Algunha.
Non sei escribir, ou escribo como unha persoa do ensino primario, así que é difícil que ninguén tome interese en ler-me. É comprensible.
Non. Con non deixalo morrer xa me dou por satisfeito, é unha rareza dun internet que xa non existe. Non teño ningún obxectivo nin pretensión (consciente).
Ah! A maldición! A tí!! A ti que les isto, este texto que les é consecuencia de ter lido o blog de Xurxo (grazas ao RSS), así que agora tócache a ti, é a túa quenda para compartir e espallar o Reto.
¹
Artigo no blog (web) de Xurxo Diz
²
Blog en wordpress, aínda está activo o primeiro artigo (mapa de carreiras populares de Galicia)
³
Pelican, para crear sitios web.