por primeira vez en 20 anos creo que lle atopei un uso á posibilidade de usar Escritorios Virtuais. Lembras o «cubo» aquel que daba voltas? Pois eu facía iso: darlle voltas sen xeito XD
Virtual Desktop, na Wikipedia (eng)
...xunto con automatizar (facer natural e intuitivo) o uso de algún atallo de teclado.
O que vai a continuación é o que parece unha primeira configuración estable de dous escritorios virtuais en KDE, unha regra para abrir Konsole (o terminal de liña de ordes) no escritorio propio (o 2), que Konsole se abra xa inicialmente con tres xanelas (1 vertical grande á esquerda e dúas unha enriba da outra repartindo o espazo á dereita).
captura de pantalla onde se ve como queda konsole con tres separadores
`Configuración do Sistema -> Aplicacións e Xanelas -> Escritorios Virtuais`
arriba á dereita
`Engadir Escritorio`
Podes editar o seu nome, poñendo algo que teña significado ou asocies a un propósito. Abaix nesa xanela podes establecer o tipo de transición visual dun escritorio ao outro.
`Configuración do Sistema -> Aplicacións e Xanelas -> Regras de Xanelas -> +Engadir`
daslle un nome á regra, estableces Coincidencia Exacta como «konsole org.kde.konsole», Concordar a clase completa da xanela como «Si», Tipo de xanela como «xanela normal» e engades unha propiedade de Tamaño e posición de Escritorios Virtuais seleccionando o escritorio creado anteriormente.
Aplicas e Gardas os cambios, xa podes probar abrindo Konsole, debería aparecer no Escritorio indicado.
tes aberto Konsole, entón
Cando está ao teu gusto, en Konsole, vas a
`Menú -> Configuración -> Configurar Konsole -> Xeral`
e marcas Lembrar o Tamaño da Xanela (e outras opcións que consideres).
a opción está en
`Configuración do Sistema -> Entrada e Saída -> Atallos -> Servizos do Sistema -> Xestión de Xanelas`
e aí verás na lista «Ir ao Escritorio #n» co atallo actual establecido (se algún) e poderás establecer o que queiras.
establece o que sexa cómodo para ti. Eu uso «Alt +» as frechas «↑» e «↓» porque neste teclado quedan nun lugar cómodo para min. Escolle o que queiras (e non entre en conflito con outros atallos que poidas ter establecidos).
o bo de ter a configuración asociada a un ficheiro .json é que o podes personalizar cun simple editor de texto (ver abaixo ligazón de referencias) e aplicar un ou outro según che conveña ou o ámbito ao que dedicas esa configuración. Por exemplo conectarse remotamente a outro ordenador cando inicias automáticamente cargando esa configuración.
En Konsole ir a Menú -> Máis -> Vista -> Gardar a disposición de lapelas
https://akselmo.dev/posts/konsole-layout-changes/
e todas as que alí menciona.
ao editar o ficheiro .desktop funcionaba correctamente CANDO PREMÍA NA ICONA do menú de aplicacións o na da barra inferior PERO NON cando iniciaba Konsole co atallo do teclado (ctrl+alt+t). Será, pregunto, porque este atallo toma a configuración xeral en
/usr/share/applications/org.kde.konsole.desktop
e os iniciadores da icona desde (a propia da usuaria)?
~/.local/share/applications/org.kde.konsole.desktop
Como son a usuaria única deste ordenador non lle dei máis voltas e modifiquei a configuración xeral para que aplique a mesma configuración.
Exec=konsole %U --layout /home/$USER/lapelas-konsole.json
pero non aplica :/
Meh, normalmente incio desde a barra inferior. Xa verei.
